咖喱雞飯

^^~這是今天的晚餐..........

材料: 雞中翼, 南瓜, 洋蔥, 蕃茄, 蘋果, 日本咖喱磚

1. 雞翼出水,seasoned,炒至金黃,備用
2. 洋蔥炒至透明,add 蕃茄 and 蘋果煮成醬
3. 加入南瓜 and 雞翼炆至軟身同熟透
4. 最後加入適量既日本咖喱磚,再自行調味

板前壽司

My favorite 回轉壽司 so far :3=~ 價錢合理, 水準很好, 壽司飯唔會散, 軟硬適中, 魚生size係大過舊飯 (很好很好 ^^'')...but最好6:30pm前去到 (lunch time 唔清楚)...否則要等30分鐘至2個鐘先有得食 (<.<''~太多人)...而家好似已經有7間分店 (2間旺角,尖沙咀,銅鑼灣,又一城,機場,將軍澳).

心水推介:

1. 珍寶帆立貝壽司 ($35): 超大塊,超肥美,要三口才能吃完 ^^''~my favorite

2. 板前蝦壽司 ($20): 爽甜蝦肉,廿蚊好抵食

3. 蝦膏甜蝦軍艦 ($18): 蝦膏很鮮,但係唔鍾意既人會覺得腥

4. 烟薯豚芝士壽司 (20): 佢話呢個係九州名物,d豬係食蕃薯大,都幾好味,幾特別,有smoke既味

5. 火灸三文魚腩壽司 ($15): 超肥美三文魚,入口即溶,火灸效果令到味道更香濃

奶油豬

這是翠華茶餐廳的"奶油豬"...豬仔飽新鮮熱辣...外層脆卜卜...內層軟綿綿...奶油甜思思...好好味o架 :3=...這茶餐廳o既其他o野我會覺得偏貴....但係呢個"奶油豬"就好值得一試 ^^''

胡同 Hutong

胡同係川菜館. 第一次係胡同度食飯, 好有遊客feel. 因為o果o度外國人多過本地人, 裝修又古色古香, 再加埋超靚既維港景色, 個 feel 就好似旅行一樣 :3~ 雖然窗邊位有 $300 minimum charge per person, 但係有咁靚既景都係值得 :D

1. 富貴田雞 ($428) :呢個田雞其實好鬼辣, 我最多都係食到一o舊. 不過對食得辣既朋友來說, 就係必點既菜色. 又香又辣既田雞腿肉, 被混在炸香既子天椒之中, 食之前就要同 d 田雞肉玩一玩 "Hide & Seek", 把它們全都給找出來呢 ^^''

2. 聖子到 ($148) : 新鮮嫩滑冇沙既聖子仔!!

3. 九龍吐珠 ($98) : 番茄 Sorbet with 紅棗. 大魚大肉之後, 呢個甜品可以比你一個 refreashing 既感覺. 番茄 Sorbet 帶有清新既味道, 番茄酸味同紅棗既甜味互相配合, 係一個又健康同食多多都唔會肥既甜品.

=.=''~唉哎

<__<''~~幾個月冇update啦...真失敗=.=''~

^^''~不過好快就有野睇0架啦...

龍蝦 Lobster

龍蝦係我最鐘意既食物...煮法有好多種...但係本人只鐘情於 steam lobster ...蒸完之後點 butter 食 (最好有 garlic butter 啦) ... :3~實在係人間極品...

食時首先將龍蝦頭同尾分開...然後先吃頭入面 d 膏 (^^~記住要一淡膏一淡白酒...>o<~真係好鮮) ...跟住食條尾 (@o@~因為肉質比較實...凍咗會冇咁好食) ...將尾部既殼向內壓...肚既軟殼就會出現裂痕...只要慢慢從裂痕著手...就可以好完整咁取出成條龍蝦尾既肉啦 (^o^~呢個時候最興奮) ...之後就食鉗...跟住最後慢慢咁食個頭 (@o@~個頭度有好多肉架~ d 肉仲好滑~ )

本人係加拿大食過我生平食過最好味既龍蝦...一次係 Prince Edward Island ...一次係 Toronto ...

係 Prince Edward Island 食既係凍咗既 steam lobster ...仲冇 butter 點...不過依然超好味...那次去Prince Edward Island 旅行...住係 B&B (Bed and Breadfast) ... 冇地方煮食...所以係碼頭度既 Seafood Store 買已經 steam 好既新鮮龍蝦...然後問 B&B 既 host 借了個鐵鎚 (^^~so scary ha?!?!)...去了附近公園既木枱開餐...係一個大自然既環境下食龍蝦...真係特別好味 :D=

係 Toronto 果次呢... d 龍蝦係由 New Brunswick 既 Moncton 坐飛機去 Toronto...因為某 d 原因...有個 trip 去 Moncton...所以回程返 Toronto 既時候就係當地既 supermarket 買咗二隻 2.5lb 既龍蝦... supermarket 有專門比龍蝦搭飛機既盒...過了大約5-6小時...返到 Toronto ...龍蝦依然好生猛... steam 咗來食... 唔比 Prince Edward Island 既差 (@o@~因為 New Brunswick 比較近大西洋...所以龍蝦比 Toronto 既新鮮好多...好味好多)

係香港...波士頓龍蝦可能比較出名...但係我覺得加拿大既龍蝦仲好味...食龍蝦 size 唔可以太細...2-2.5lb 就最好 (^^~ 純屬個人意見~)

P.S. 食龍蝦一定要有白酒...咁先可以將龍蝦既鮮味帶至最高峰... :D=

<.<||~好快有野睇

~___~...真係好抱歉...咁耐都冇 update... ^^~唔係冇好野食...>.<~只係之前太 busy...冇時間啦...不過就快有幾個 posting... :D=~千其唔好錯過呀

天與地 Heaven On Earth

終於有機會來呢道食飯...因為屋企人話唔錯...食過之後就覺得唔係 "super" 好味...不過 d　菜色都幾特別...仲見到有好多遊客...好熱鬧... :D

心水推介:

1) 醬菜凍蕃茄 ($30): 新鮮既生蕃茄...配上清淡而帶有小小鹹味既醬汁... 醬汁入面有蝦米...係一個幾特別既食法...（＾＾～中式沙律啦～）

2) 油炆小竹筍 ($38): 小竹筍爽脆...炆得夠入味...甜甜地...好味

3) 雲南野菌豆腐窩 ($88): 有滑豆腐...白菜...木耳...同幾種野菌...d 湯白白地色...飲落有好香既菌味...味道清淡...上菜時有蠟燭係窩下面加熱... (:3~熱既湯先好味架嘛~)

4) 酥皮香蕉卷 ($38):　酥皮包住香蕉同蓮容...酥皮脆...入面　d　餡熱熱地...同埋豆腐雪糕一齊食...都幾特別架～

地址: 尖沙咀諾士佛臺 Knutsford Terrace

我屋企必備??!!

今日想講吓"五香肉丁炒銀絲米粉"...其實冇咩特別....只係我同我屋企人都好鍾意食...經過多返試驗同朋友既介紹...我一家人認為"百x牌"銀絲米粉最好...灼完之後再炒...炒得乾身 d...辣辣地...韌韌地...好好味... (@o@~有小小秘訣...炒時落咗米粉先落肉丁...咁 d 汁同肉丁就唔會乾啦~^o^)

仲有想講吓"橄欖菜"同"老干媽"辣醬...

我屋企人鍾意食湯麵既時候放小小欖菜...貪佢有香味同鹹鹹地...都幾好味...不過我阿婆話怕食咗會胃痛... (@o@~咁我又未試過啊~)

而"老干媽"呢...係我至愛既醬料之一...又香又辣又麻...放小小就可以帶出食物既鮮味...最正就係打邊爐既時候同豉油一齊點.... (:3=~點豆腐最好味~~)...平時用來炒餸都得架 :D=

譚仔雲南米線

今晚同幾個同事兼朋友去呢度食米線...其實係其中一個人既 friend-雞翼小姐-介紹...果然冇介紹錯... (^^~雞翼小姐...好多謝你呀!!)

呢度 d 米線煮得幾好...咬落有彈性...d 湯白白地色...小味精... :D~正!!...湯入面已經有三樣配菜-腐皮,芽菜仔,同韭菜...

出名麻辣湯底...有特,大,中,小辣...小辣再分5級...本人唔食得辣...所以叫最小辣 (@@~叫做"5小辣")...碗米線一上枱...就聞到有小小麻辣味...開始食唔係好辣...越食辣味會越強 (~_~...麻辣既特性啦~)...不過就一 d 都唔麻... (<.<~可能係叫太小辣~'__'~不過都幾辣架)...建議第一次試既朋友唔好叫咁辣 :3~

仲有一道名菜係蒜泥白肉...d 白肉切得好薄...蒜泥相信係用新鮮蒜頭磨成...磨得好幼...食落有蒜香味...不過就唔辣既... (X.X~唔好以為有咁多紅油就一定係辣)

心水推介:
1) 蒜泥白肉 ($30): 上面介紹咗啦
2) 豬潤米線 ($18): 豬潤新鮮...仲好滑...唔係度度食到

地址: 尖沙咀寶勒行 (另外仲有六間分店)

CitySuper 魚生部

CitySuper d 魚生好好味...雖然及唔上幾百甚至過千蚊一位既貴價日本料理...呢度勝在"又平又新鮮":3=

之前食過某某大本地超市既出品(百X)...朋友都食過一間老字號既日本超市出品 (吉之X)...都覺得好難食...d 魚生冇味之餘...仲覺得有好多菌...黏黏的 >.<~(可能係心理作用)

心水推介:
1. 加拿大海膽: 超好味...夠大隻 (@@~有成吋長)...入口好滑...味道濃郁... ^^~小心膽固醇
2. 劍魚剌身: 夠爽夠肥...咬落仲有 d "shot shot" 聲
3. 三文魚剌身: 夠新鮮...有三文魚味 (=.=~食過冇三文魚味既三文魚)

@@~究竟想點??!!!

^^~其實係想同大家分享好食既野...希望大家唔好介意...